2026韓國外賣攻略 | 香港旅客必睇貼士總整理

Hello，大家好，我哋係由韓國人每日提供最新韓國旅行資訊嘅Creatrip。

雖然疫情之後世界各地外賣產業都發展迅速，但係韓國外賣速度可以話係全亞洲、甚至係全世界最快，而且選擇多，深夜凌晨都可以叫到嘢食！

去韓國旅行嗰陣，夜晚返到酒店突然想食炸雞、辣炒年糕，又或者想叫份宵夜喺房慢慢食，但一打開韓國外賣 App，發現成個介面都係韓文，仲要用電話號碼做認證，對外國人嚟講係一個好大嘅障礙。

今日就等居韓小編幫你整理出韓國外賣必知資訊，咩嘢食最值得叫外賣食、外國人有咩方法可以叫到韓國外賣，再答埋呢幾年嚟小編收到有關韓國外賣嘅常見問題。如果今次飛韓國你都想體驗韓國外賣文化，但唔知由邊度開始好，記住要睇落去！

韓國外賣終極攻略

點解韓國外賣文化咁出名？

1. 幾乎任何時段都叫到外賣

韓國嘅外賣文化非常成熟，唔少餐廳由午餐時段一路開到深夜，部分類型例如炸雞、中式韓餐、宵夜類更加會營業到凌晨。如果你半夜喺酒店肚餓，想食炸雞、辣炒年糕或者湯麵，其實都唔難。尤其韓國人本身就經常食宵夜，睇波、飲酒、追劇、同朋友聚會之後叫外賣，已經係日常生活一部分。

2. 送餐速度快、涵蓋範圍廣

喺首爾等主要城市，外賣速度普遍都好快，如果唔係繁忙時段，就算係人氣地區都可能30分鐘左右就會收到。而且最特別嘅係唔止屋企或者office，連漢江公園都可以叫到外賣！好多韓國人都會喺漢江公園叫炸雞、Pizza、辣炒年糕等等，同朋友們一齊野餐。

3. 選擇夠多、價錢合理

講起韓國外賣，可能大家只會諗起炸雞，但其實由韓式家常菜、韓式中餐、燒肉，到咖啡、甜品同便利店食品都可以叫外賣。而且韓國外賣費用比起香港外賣運費平，最低消費要求都唔算高，1~2人點餐通常都可以直接免運費，亦唔需要另外俾小費。

去韓國有咩外賣美食最值得試？

無論你係第一次去韓國，抑或係想直接喺酒店住宿輕鬆食一餐，都非常推薦大家叫外賣。小編自己住韓國，無論係一個人或者同朋友見面經常會叫外賣。雖然以下幾款美食都可以直接去餐廳堂食，不過用外賣叫嚟食又係另一番風味，小編私心推介！

1. 韓式炸雞

韓式炸雞同香港常見嘅炸雞唔太一樣，通常外皮更脆，醬料選擇亦好多。由普通原味炸雞、甜辣調味炸雞、醬油炸雞，到各個炸雞品牌推出嘅獨家口味都有。

橋村炸雞_{(교촌치킨)}、BHC等都係香港人飛韓國一定會叫嚟食嘅炸雞，而小編就推薦大家可以去試黃色炸雞_{(노랑통닭)}嘅大蒜炸雞，粉漿超脆而且仲帶有少少咖喱調味，配埋酸酸地嘅大蒜醬汁更加惹味又唔膩！

💡小編小貼士：如果唔知食咩口味好，韓國大部分炸雞店都會有半半炸雞_{(반반치킨)}呢個選項，一隻炸雞可以揀兩款口味，一次過可以試到更多口味！

2.  炸醬麵、辣海鮮麵

韓國中華料理繼炸雞之後最多人會叫外賣食嘅餐點，同我哋平時食開嘅中菜唔同，係一款將中式烹調方式同韓國口味結合同發展出嘅新菜系，最出名嘅菜式有炸醬麵、辣海鮮麵同糖醋肉！

炸醬麵食落甜甜地，加上切碎蔬菜同豬肉，大人細路都會鍾意；而辣海鮮麵就係將海鮮、肉、各種蔬菜同辣椒粉一齊炒完之後加入雞骨或豬骨湯底，味道香辣爽口，鍾意食辣嘅朋友們一定要試！

💡小編小貼士：韓國中華料理都會有半半_(반반)呢個選項，你可以揀一半炸醬麵、一半辣海鮮麵_(짬짜면)，或者一半係麵、一半係飯，甚或至一半係麵/飯、一半係糖醋肉，就算一個人食都可以食到唔同餐點！

3. 豬腳、菜包肉

如果你係兩個人以上一齊食，或者想叫一餐比較有份量、適合做晚餐或者宵夜嘅韓國美食，豬腳同菜包肉都好受歡迎！

韓國豬腳同會煮到超軟熟嘅香港豬腳唔同，口感會比較煙韌。而且係用甜甜哋嘅韓方醬油做調味。而菜包肉又被稱為白切豬肉，雖然睇落好多肥膏，但食落唔會油淋淋，配埋生菜、泡菜、蒜片、醬料更加惹味（仲可以食到更多蔬菜XD）

💡小編小貼士：通常豬腳同菜包肉份量都會比較大，一個人好難食得曬，所以推薦大家同家人朋友嚟嘅時候叫。不過最近都有餐廳推出1人份豬腳/菜包肉，大家叫外賣嘅時候可以睇下有冇呢個option！

外國人用唔用到韓國外賣APP？

相信睇到呢度嘅朋友們都係想試下喺韓國叫外賣食，其實原則上外國人都可以用到韓國外賣APP，不過實際操作上可能會比較麻煩。

1. 應用程式介面以韓文為主

大部分韓國主要外賣App頁面都只會提供韓文，就算有其他語言版本，都未必所有字會翻譯成中/英文。所以如果冇圖、本身又唔識韓文嘅話，好容易就會撳錯或者唔知點用。

2. 海外信用卡未必一定用到

部分韓國本地平台或者餐廳，未必一定會支援海外發行信用卡付款，就算平台本身畀你落到單，去到付款步驟，都有機會遇到只限韓國本地支付方式、需要本地身份/電話認證嘅問題。

3. 可能需要韓國電話號碼

好似頭先所講，大部分韓國外賣APP都會要求輸入韓國電話號碼進行實名認證，所以如果你只係短期旅遊，冇韓國電話號碼，可能連帳戶都開唔到。

韓國外賣App比較

	Creatrip	外賣的民族 (배달의민족)	Yogiyo (요기요)
中文頁面	有	有 (AI翻譯)	無 (有英文頁面)
中文服務	有	無	無
韓國電話	無需	需要	需要
實名認證	無需	需要 ※可用香港號碼	需要
結賬方式	可用香港 信用卡	韓國信用卡 海外信用卡 微信支付 Alipay等	可用部分海外 地區之信用卡
預約點餐	可以	不可	不可

韓國人最常用嘅外賣App分別係「外賣的民族(배달의민족)」同「Yogiyo(요기요)」 ，小編自己兩款都用過，發現各有各優缺點！大家可以參考以下小編嘅意見，比較到底你最啱用邊個外賣平台啦！

外賣的民族_{(배달의민족)}

外賣的民族可以話係韓國最出名、最多人用嘅外賣app，小編自己都最鍾意用佢！服務範圍覆蓋全韓國，無論係首爾、釜山定濟州島都可以用到！呢個韓國外賣app其中一個優點係可以用外國電話號碼進行認證（不過要確認你可以喺韓國收到SMS），而且亦都接受用海外信用卡、WeChat或者Alipay，對遊客嚟講都算方便。

不過問題在於雖然可以設定中文或者英文頁面，但因為係用AI翻譯，所以好多字都翻譯到勁怪，就算有圖都唔知到底係咩嘢食XD 而且有好多位都仍然係用韓文顯示，所以如果你唔識韓文，使用方面會相對地困難。

Yogiyo_(요기요)

而Yogiyo嘅合作店鋪會少過外賣的民族，不過如果你係住人氣商圈或者首爾主要地區，都仍然有唔少選擇！比較麻煩嘅係Yogiyo需要用韓國電話號碼進行認證，如果你今次買嘅SIM卡唔包韓國電話號碼，咁Yogiyo就未必係你可以用到嘅外賣app啦。

Creatrip

我哋Creatrip為咗幫大家解決以上問題，都有提供代叫外賣服務，用繁體中文同港幣就可以預約到！而且仲唔洗用電話號碼最做實名認證，就算唔識韓文、冇韓國電話號碼嘅遊客都可以輕鬆體驗韓國外賣文化，安坐家中食好西！

小編嚟韓國住之前就已經有用過Creatrip代訂外賣服務，無論係韓國料理、小食定咖啡甜品都可以預訂，只要喺1~2個鐘頭前預約定就得！因為係繁體中文頁面，而且可以用海外信用卡付款，所以唔需要擔心操作唔順利。入到預約畫面就可以揀自己想食咩，然後再輸入準確地址、可聯繫方式，俾埋餐點費用同聯絡客戶服務中心人員就可以輕鬆等外賣！

雖然預約嘅時候可以揀時間，不過因為要視乎實際交通情況同外賣員人手問題，所以小編之前都唔係exactly喺揀嗰時間收到外賣，前後預30分鐘左右就差唔多啦。

小編覺得最貼心係客戶服務中心人員可以直接用中文同英文溝通之餘，外賣到嘅時候都會即刻通知你，確保你唔會miss咗個外賣，有咩相關問題都可以直接問！

💡小編小貼士：大家記住預約完之後一定要去個人頁面搵返外賣訂單，然後撳右下角嘅實時客服中心，主動聯繫負責人員確認，如果唔係預約會自動取消！

💭顧客真實評價

今次飛韓國想輕鬆叫外賣食？

唔識韓文、冇韓國電話號碼都唔緊要！Creatrip平台上有提供各種人氣韓國外賣餐點，只要提供地址就可以輕鬆叫到外賣去住宿食，唔需要再委屈自己每次都要出去買或者逼住要睇翻譯！

韓國炸雞

[스팟] 代叫外賣 | 橋村炸雞

[스팟] 代叫外賣 | Nene炸雞

[스팟] 代叫外賣 | Goobne炸雞

[스팟] 代叫外賣 | BBQ炸雞

[스팟] 代叫外賣 | 傑作辣炒年糕炸雞

[스팟] 代叫外賣 | Puradak炸雞

[스팟] 代叫外賣 | 60雞

[스팟] 代叫外賣 | 黃色炸雞

[스팟] 代叫外賣 | Chicken Mania

[스팟] 代叫外賣 | GCOVA燒雞

[스팟] 代叫外賣 | BHC炸雞

中華料理

[스팟] 代叫外賣 | 炸醬麵

[스팟] 代叫外賣 | 香港飯店(中華料理)

韓式料理

[스팟] 代叫外賣 | 豬腳 & 生菜包肉

[스팟] 代叫外賣 | 泡菜湯

[스팟] 代叫外賣 | 粥

[스팟] 代叫外賣 | 蔘雞湯

[스팟] 代叫外賣 | 血腸湯飯

[스팟] 代叫外賣 | 燉雞

[스팟] 代叫外賣 | Twozzim燉雞

[스팟] 代叫外賣 | 部隊鍋

[스팟] 代叫外賣 | 柳氏家鐵板雞

[스팟] 代叫外賣 | 雞腳

[스팟] 代叫外賣 | 辣燉鮟鱇魚、辣燉海鮮

[스팟] 代叫外賣 | 薯仔排骨湯

[스팟] 代叫外賣 | 冷麵

[스팟] 代叫外賣 | 五花肉

[스팟] 代叫外賣 | 生魚片

[스팟] 代叫外賣 | 生牛肉/三文魚

[스팟] 代叫外賣 | 醬油蟹/辣醬蟹

[스팟] 代叫外賣 | 雪濃湯

[스팟] 代叫外賣 | 辣牛肉湯

[스팟] 代叫外賣 | 牛排骨湯

[스팟] 代叫外賣 | 嫩豆腐湯

[스팟] 代叫外賣 | 烏冬/蕎麥麵

韓式小吃

[스팟] 代叫外賣 | 正直的金先生

[스팟] 代叫外賣 | EGG DROP 

[스팟] 代叫外賣 | 明朗熱狗

[스팟] 代叫外賣 | 窩夫大學

[스팟] 代叫外賣 | Isaac Toast

[스팟] 代叫外賣 | 玫瑰炒年糕

[스팟] 代叫外賣 | 新田辣炒年糕

[스팟] 代叫外賣 | 三疊粉食

[스팟] 代叫外賣 | Salady

咖啡甜品

[스팟] 代叫外賣 | Baskin Robbins 31

[스팟] 代叫外賣 | 雪冰

[스팟] 代叫外賣 | Ediya Coffee

[스팟] 代叫外賣 | A TWOSOME PLACE蛋糕

[스팟] 代叫外賣 | DUNKIN DONUTS

[스팟] 代叫外賣 | Paris Baguette

[스팟] 代叫外賣 | Paik’s Coffee

[스팟] 代叫外賣 | Mega Coffee

[스팟] 代叫外賣 | Auntie Anne's

[스팟] 代叫外賣 | YOAJUNG乳酪雪糕

韓國快餐

[스팟] 代叫外賣 | Alvolo Pizza

[스팟] 代叫外賣 | Mom's Touch

[스팟] 代叫外賣 | Lotteria

[스팟] 代叫外賣 | Burger King

除咗美食仲有咩可以叫外賣？

好多時候除咗嘢食，有啲嘢臨急臨忙需要買，或者想為其他人準備一份小小心意，喺韓國都可以透過外賣解決！Creatrip亦都有為大家提供蛋糕花束同超市外賣服務，只要指定地址同日期時間就得！

[스팟] 代叫外賣 | 花束

[스팟] 代叫送貨 | 韓國B Mart

韓國外賣常見問題FAQ

Q1. 冇韓國電話號碼，可唔可以叫外賣？

A：可以，但要視乎你用邊個外賣App。部分韓國本地外賣App需要韓國手機號碼做註冊或驗證，對短期旅客嚟講唔太方便。建議你可以選用Creatrip代叫外賣服務，唔需要韓國電話號碼都可以輕鬆點餐，客戶服務人員仲會提供專業中文同英文服務，可以直接查詢訂單，外賣到之前都會通知你！👉🏻韓國代叫外賣清單

Q2. 喺韓國可唔可以用香港信用卡叫外賣？

A：部分韓國外賣App可以！根據2026年最新政策，外賣的民族支援海外信用卡、微信支付同Alipay，可以直接用香港信用卡消費結賬，其他app就大部分都只接受韓國信用卡。如果想直接用香港信用卡同繁體中文買韓國外賣，大家可以考慮透過Creatrip預約代訂外賣服務！

Q3. 韓國外賣可唔可以直接送去酒店？

A：通常可以，但要視乎酒店政策。有啲酒店可以送到大堂，有啲由前台代收，亦有酒店要求住客自己落樓拎餐。建議落單前寫清楚酒店名、房號同收餐方式。如果係透過Creatrip預約外賣，揀送去酒店嘅時候就需要去大堂領取，到時候會有專人話你知領取位置。

Q4. 叫外賣嘅時候韓國地址要點填？只寫酒店名得唔得？

A：大部分韓國外賣App都有搜尋功能，輸入酒店名通常就可以直接搵到酒店地址。建議大家可以事先上網search定酒店同住宿韓文地址，到時候直接複製貼上，就可以避免揀錯地址呢個問題。

Q5. 韓國叫外賣大概要幾多錢？

A：以2026年平均價錢嚟睇，一般餐點大約₩10,000至30,000_{(10000~30000)}，而運費就通常係₩1,000至3,000_(1000~3000)左右。不過部分餐廳會設最低消費金額，實際價格亦會因地區、餐廳類型同時段而有所不同，建議直接參考外賣App資訊。

Q6. 韓國外賣通常要等幾耐？

A：喺首爾等大城市，如果唔係繁忙時段，通常大約30至60分鐘內會送到；但午餐、晚餐時間有機會等更耐。天氣、距離同餐廳繁忙程度都會影響送餐時間。

Q7. 去韓國第一次叫外賣應該試咩嘢食？

A：如果係第一次試，最推薦由韓式炸雞、炸醬麵、菜包肉、拌飯、韓式燒牛肉飯或者辣炒年糕套餐開始。呢幾款都好有代表性，而且接受度高！

Q8. 如果送錯餐、漏單或者一直都收唔到取餐資訊，應該點做？

A：如果係送錯或者漏單，最好即刻保留訂單資料同食物照片，然後透過平台客戶服務中心處理。如果大家係透過Creatrip預約代訂外賣服務，可以直接用中文或者英文同負責人員溝通，亦都會有專人幫你跟進，唔需要擔心溝通問題！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！